Archive

Posts Tagged ‘ہمہامہ بڈگام’

ہمہامہ بڈگام کے سرکردہ عالم دین اور امام و خطیب کو رہا کر دیا گیا ۔

January 18, 2011 Leave a comment

سرینگر//ریاستی ہائی کورٹ اور سیشن جج بڈگام کی ہدایت پر پولیس کے ذریعے 6ماہ قبل گرفتار کئے گئے ہمہامہ بڈگام کے سرکردہ عالم دین اور امام و خطیب کو رہا کر دیا گیا ۔ ہمہامہ بڈگام سے تعلق رکھنے والے امام و خطیب محمد رفیع فاضلی کو31جولائی2010 کوحراست میں لیکر بڈگام تھانے میں بند کر دیاگیاتھا۔چنانچہ کچھ روز تک تھانے میں بند رہنے کے بعد پولیس نے اسے ضلع مجسٹریٹ کے سامنے پیش کیا جس کے بعد ضلع مجسٹریٹ نے مذکورہ امام پرپبلک سیفٹی ایکٹ عائد کیاا ور اسے کٹھوعہ جیل منتقل کر نے کے احکامات صادر کئے۔ عدالت عالیہ نے31دسمبر کو محمد رفیق فاضٗلی پر عائد پبلک سیفٹی ایکٹ کو کالعدم قراردیا اوران کی رہائی کے احکامات صادر کئے۔ رہائی کے فوراً بعد سی آئی جے سے وابستہ اہلکاروں نے اسے دوبارہ گرفتار کرکے  17دنوں تک حبس بیجا میں رکھا گیا ۔  سیشن کورٹ بڈگام نے محمد رفیع فاضلی کو ضمانت پر رہا کرنے کے ا حکامات صادرکئے جس کے بعد17جنوری کو اسے رہا کیا گیا۔

 

 

Advertisements